दैलेख महाेत्सवकाे दाेस्राे दिन (तस्विर सहित)
मातृभूमी संवादाता । २५ फागुन दैलेख
दैलेखमा कर्णाली प्रदेश स्तरिय उद्यम, कृषि, पर्यटन, औधोगिक तथा व्यापार मेला, दैलेख महोत्सवको दोस्रो दिन (शनिवार) हजारौँ दर्शकले अवलोकन गरेका छन् । शुक्रवारदेखि दैलेख सदरमुकामको काँडाचौरमा शुरु भएको महोत्सवको दास्रो दिन राष्ट्रिय तथा स्थानीय स्तरका ख्याति प्राप्त कलाकारहरुको प्रस्तुति रहेको थियो ।
दोस्रो दिनको महोत्सवमा प्याराग्लाईडिङका साथै राष्ट्रिय स्तरमा ख्याति प्राप्त कलाकार नायक, गायक, रचनाकार तथा संगितकार दुर्गेश थापा, लोकेन्द्र जि.सी. (कुमार), धनराज चुनारा लगाएतका कलाकारले आफ्नो प्रस्तुति राखेका थिए ।
उद्योग वाणिज्य संघ दैलेख र नेपाल उद्योग वाणिज्य संघ काठमाण्डौको संयूक्त आयोजनामा सञ्चालन भएको महोत्सव फागुन २४ गते देखि सुरु भई चैत्र ४ गते सम्म सञ्चालन हुनेछ ।
