मिनिट्रकभित्र चालक मृत फेला

अस्मित सिजापति । २७ पौष दैलेख
मिनिट्रकभित्र चालक मृत अवस्थामा फेला परेका छन् । सुर्खेतबाट दैलेख दुल्लु तर्फ गैरहेको मिनिट्रक दुल्लु नगरपालिका १ तल्लो डुङ्गेश्वरमा रोकिएको र सोहि ट्रकको सिटमा सुतेका ट्रक चालक सोमवार विहान मृत फेला परेको जिल्ला प्रहरी कार्यालय दैलेखका डिएसपी अनुपम श्रेष्ठले जानकारी दिए ।
डिएसपी श्रेष्ठका अनुसार यहि पौष २६ गते सुर्खेतबाट दैलेखको दुल्लु तर्फ सामान बोकी गैरहेको मिनिट्रक साँझपख तल्लो डुङ्गेश्वर बजार पुगेको र सोहि लु.अ.अ.मा. ९८१४ नम्बरको मिनि ट्रकको सिटमा सुतेका मिनिट्रक चालक बिरेन्द्रनगर नगरपालिका १० सुर्खेतका ४५ वर्षिय गंगा बहादुर सुनार सोमवार बिहान ८ बजे मृत अवस्थामा फेला परेका हुन् ।
जिल्ला प्रहरी कार्यालय दैलेखवाट घटना स्थलमा खटिएको प्रहरी टोलिले प्रारम्भिक अनुसन्धान गरी थप अनुसन्धान गरिरहेको जिल्ला प्रहरी कार्यालय दैलेखले जनाएको छ ।