९ वर्ष पछि फरार अभियुक्त पक्राउ

रोहन कटुवाल । २८ पौष दैलेख
दैलेखले प्रहरीले दुई जना फरार अभियुक्तलाई पक्राउ गरेको छ । दैलेख जिल्ला अदालतले जातीय छुवाछुत तथा भेदभाव मुद्धामा कैद र जरिवाना सजाय सुनाएका दुई जना फरार अभियुक्तलाई प्रहरीले पक्राउ गरेको छ ।
जिल्ला प्रहरी कार्यालय दैलेखले दिएको जानकारी अनुसार भगवतीमाई गाउँपालिका ४ जगनाथका ५४ बर्षीया चक्रबहादुर शाही र सोहि ठाउँका ३१ बर्षीया केशवबहादुर शाहीलाई यहि पौष २७ गते पक्राउ गरेको हो ।
उनिहरुलाई नौ बर्ष पछि पक्राउ गरिएको जिल्ला प्रहरी कार्यालय दैलेखका डिएसपी अनुपम श्रेष्ठले जानकारी दिए । दैलेख जिल्ला अदालतको २०६८ मंसिर १४ गतेको फैसला अनुसार उनिहरुलाई जातीय छुवाछुत तथा भेदभाव मुद्धामा ८ महिना कैद र जरिवाना सजाय तोकिएको थियो । डिएसपी श्रेष्ठका अनुसार पक्राउ परेका दुवै जनालाई कैद र जरिवाना भुक्तानीका लागि दैलेख जिल्ला अदालतमा पेश गरिएको छ ।