कर्णालीका चार एमाले सांसद पदमुक्त

मातृभूमी संवाददाता । १८ साउन दैलेख
कर्णाली प्रदेशका एमाले चार सांसद पदमुक्त भएका छन् । माओवादीबाट मुख्यमन्त्री बनेका महेन्द्र बहादुर शाहीलाई एमालेको ह्वीप उल्लंघन गरेर विश्वासको मत दिने सांसद प्रकाश ज्वाला, अम्मर बहादुर थापा, कुर्मराज शाही र नन्दसिंह बुढा पदमुक्त भएका हुन् ।
यसअघिको कारबाही हुन नसक्ने भन्ने अन्तरिम आदेश खारेज गर्दै सर्वोच्च अदालतले सोमबार भ्याकेट निवेदनको सुनुवाई गर्दै पदमुक्त भएको जानकारी दिएको हो ।
प्रधानन्यायाधीश चोलेन्द्र शम्शेर जबरा र न्यायाधीश प्रकाश कुमार ढुंगानाको इजलासले यसअघिको अन्तरिममा आदेश खारेज गरेको हो । भ्याकेट निवेदन उपर सुनुवाई गर्दै ‘माग बमोजिम हुने’ आदेश जारी भएको हो ।
यसअघि सर्वोच्चले विश्वासको मत दिएका चार सांसदलाई कारबाही गर्न नसक्ने भन्दै अन्तरिम आदेश जारी गरेको थियो । त्यसविरुद्व एमाले अध्यक्ष केपी शर्मा ओलीले फेरि भ्याकेट निवेदन दिएका थिए ।

Leave a Reply

Your email address will not be published. Required fields are marked *

error: Content is protected !!