एमाले उम्मेदवारले प्रयोग गर्दै आएको गाडीमा आगजनी
मातृभूमी राजनितिक व्युरो । २६ बैशाख दैलेख
दैलेखको आठबीस नगरपालिकामा नेकपा एमालेबाट मेयरका उम्मेदवार तर्कबहादुर बडुवाल चढ्ने गाडीमा अज्ञात समूहले आगजनी गरेको छ । बडुवालले प्रयोग गर्दै आएको बा १९ च ५५७९ नम्बरको स्कार्पियो गाडी आज बिहान साढे ३ बजेतिर अज्ञात समूहले आगजनी गरेको जानकारी दिनुभयो ।
गाडी आठबीस नगरपालिका-४ राकम कर्णालीको खोलीबजार स्थित श्रृष्टि होलमा पार्किङ गरेर राखिएको थियो । आगजनीका वेला चालक गाडीभित्रै सुतिरहेको थिए ।
टायरमा आगो लागेको थाहा पाएपछि उनले तत्काल गाडी चलाएर नजिकै रहेको खोलामा पुर्याएका थिए । तत्काल आगो निभाएकाले क्षति भने नभएको बडुवालले बताउनुभयो । घटनाबारे जिल्ला प्रहरी कार्यालय दैलेखले अनुसन्धान गरिरहेको छ ।