दैलेखको महावु गाउँपालिका ६ मा माओवादी विजयी

मातृभूमी राजनितिक व्युरो । ३१ बैशाख दैलेख
दैलेखको महावु गाउँपालिका वडा नं. ६ मा नेकपा माओवादी विजयी भएको छ । महावु गाउँपालिका वडा नं. ६ मा माओवादीका रेशम वहादुर थापा मगर विजयी भएका हुन् । माओवादीका थापाले ४ सय १२ मत प्राप्त गर्दै वडाध्यक्षमा विजयी भएको जनाईएको छ । उनका निकतम प्रतिद्धन्दि नेपाली कांग्रेसका हर्क वहादुर शाहीले ३ सय ९७ मत प्राप्त गरेका छन् भने नेकपा एमालेका उम्मेदवार रक्ष वहादु मगरले ३ सय ५९ मत प्राप्त गरेको जनाईएको छ ।
यसैगरी महावु वडा नं. १ र ६ को मत गणना सकिदा गाउँपालिकाको अध्यक्षमा नेपाली कांग्रेसका लछुमन गुरुङले ८ सय १६, नेकपा एमालेका हरि प्रसाद उपाध्यायले १ हजार २ सय ३ र एकिकृत समाजवादीका जंगवहादुर शाहीले ६ सय २५ मत प्राप्त गरेका छन् । उपाध्यक्षमा नेपाली कांग्रेसका मञ्जु कुमारी शर्माले ९ सय ८६, नेकपा एमालेका दुर्गा कुमारी सिंहले ९ सय ४८ र एकिकृत समाजवादीका पुण्यप्रभा दशौंदीले ४ सय ८५ मत प्राप्त गरेकी छन् ।