दैलेखकाे रावतकाेटमा आगालागी हुँदा पशु चौपाया मरे

मातृभूमी संवाददाता । ०२ जेठ दैलेख
दैलेखको भैरबी गाउँपालिका २ रावतकोटको एक घरमा आगलागी हुँदा पशु चौपाया जलेर मरेका छन् । भैरवी गाउँपालिका २ रावतकोटका राम वहादुर थापाको घरमा आगलागी हुँदा पाँच वटा वाख्रा र एक गोरु जलेर मरेको दैलेख प्रहरीले जनाएको छ ।
जिल्ला प्रहरी कार्यालय दैलेखका प्रहरी प्रमुख डिएसपी किशोर लम्सालले गएराती दुई बजेतिर घरमा आगलागी हुँदा पाँच वटा वाख्रा र एक गोरु जलेर मरेको जानकारी दिए ।
उनले आगलागीमा मानवीय क्षती नभएको र पुश चौपायसंगै अन्दाजी दुई लाख ५० हजार बराबरको धनमालको क्षती भएको वताए । राती दुई तले कच्ची घरमा आगलागी भएपछि वाख्रा र गोरुलाइ गोठ बाट निकाल्न नसकेपछि गोठमै जलेर मरेको प्रहरीले जनाएको छ ।