दैलेखमा मालवाहक ट्रक दुर्घटना हुँदा तीन जना घाइते

मातृभूमी संवाददाता । २४ भाद्र दैलेख
दैलेखको गुराँस गाउँपालिकामा मालवाहक ट्रक दुर्घटना हुँदा तीन जना घाइते भएका छन् । सुर्खेतबाट समान बोकेर दैलेखतर्फ आउँदै गरेको भे १ क २१०७ नम्बरको मालवाहक ट्रक गुराँस गाउँपालिका ४ जिरोप्वाइट नजिक दुर्घटना हुँदा तीन जना घाइते भएको जिल्ला प्रहरी कार्यालय दैलेखले जानकारी दिएको छ । ट्रक बे्रक फेल भएर दुर्घटना भएको जनाईएको छ । ट्रक झण्डै ५० मिटर तल खसेको बताइएको छ ।
घाइते हुनेमा नारायण नगरपालिका ४ का २७ वर्षिय जगतजंग कटुवाल, सोही ठाउँका ३५ वर्षिय सहचालक राजन शर्मा र चालक ४० वर्षिय गणेश शर्मा रहेको जिल्ला प्रहरी कार्यालय दैलेखका प्रहरी निरिक्षक (इन्सपेक्टर) कमल आचार्यले जानकारी दिए । दुर्घटनाका घाइतेहरुलाई उपचारका लागि सुर्खेत पठाइएको छ ।