सल्यानमा अटो दुर्घटना हुँदा चारजना घाइते

मातृभूमी संवाददाता । १७ असोज सल्यान
सल्यानमा अटो दुर्घटना हुँदा चारजना घाइते भएका छन् । जिल्लाको बनगाड कुपिण्डे नगरपालिका-६ सुनौलीबजारबाट सल्लीबजार जाँदै गरेको ०२००१ ह १११५ नम्बरको अटो सल्ली रुकुम चौरजहारी सडकखण्डको बयलडाँडी नजिकै दुर्घटना भएको हो ।
दुर्घटना परी बनगाड कुपिण्डे नगरपालिकाका ३६ वर्षीय खलबहादुर बुढा, ४७ वर्षीय ग्रिम रोका, राउचेका ५० वर्षीय शिवलाल साहु र ६१ वर्षीय मुने साहु घाइते भएको जिल्ला प्रहरी कार्यालय सल्यानले जनाएको छ । घाइते चालक बाहेक अन्य तीनजनाको थप उपचारका लागि नेपालगञ्ज रिफर गरिएको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिए ।