प्रशासनद्धारा ग्यास जफत

मातृभूमी संवाददाता । ८ चैत्र दैलेख
व्यापारीहरुले खाना पकाउने ग्यासको अभाव सिर्जना गराएको भन्ने उपभोक्ताहरुको सिकायतका पछि जिल्ला प्रशासन कार्यालय दैलेखले बिक्रेताहरुको पसल अनुगमन गरेको छ ।
कोरोना भाइरसको प्रभावले आयात कमी भएको बाहना बनाउँदै व्यापारीहरुले ग्यास लुकाएर अभाव सिर्जना गर्ने, बढी मूल्यमा बिक्री गर्ने गरेको सिकायतका आधारमा प्रशासनले अनुगमन गरेको हो ।
दैलेखका सहायक प्रमुख जिल्ला अधिकारी इन्द्रबहादुर क्षेत्रीको नेतृत्वमा प्रहरी निरीक्षक नैनबहादुर साउँद र पत्रकार सहितको टोलीले ग्यास बिक्रेताको पसलहरु अनुगमन गर्दा दैलेखमा १४ वटा ग्यास जफत गरेको छ ।
तपाँईको पसलमा ग्यास कति स्टक छ भनी सोधेर लिखित गराइसकेपछि २ वटा ठूला पसलहरुबाट लुकाई राखेका १४ वटा ग्यास जफत गरेको हो । अनुगमन टोलीले श्रेष्ठ भाँडा पसलबाट ११ र एलिजा स्टोरबाट ३ वटा सिलिण्डर ग्यास जफत गरेको हो ।
हामीसँग स्टक छैन भनिसकेपछि पनि भेटिएका फेला परेका ती ग्यास जफत गरिएको र सो विषयमा कानूनी कारवाही अगाडि बढाइने दैलेखका प्रमुख जिल्ला अधिकारी युवराज कटेलले जानकारी दिए । विपदको समयमा अभाव सिर्जना गरेको विषयमा उभोक्ताको गुनासो आउनासाथ तत्काल अनुसन्धान गरी दोषी भेटिएमा कालाबजारी वा त्यो भन्दा कडा अर्को कुनै कानूनी व्यवस्था भए कारवाही गरिने प्रमुख जिल्ला अधिकारी कटेलले बताए ।

Leave a Reply

Your email address will not be published. Required fields are marked *

error: Content is protected !!